• Gallery
  • Browse by Category
  • Videos
  • Top Rated Articles
  • Public TimeLine
  • News RSS Feeds
  • Chief Editor : Manilal B. Par |  Executive Editor : Bipul A. Singh
  • ધારા 117 " આઝાદી " Niru Ashra
    ધારા 117 editor editor on Saturday, March 17, 2018 reviews [0]
    ધારા :-૧૧૭ 卐 "આઝાદી" by Niru Ashra----------------------------------- એક વખત આપશ્રીએ વચનામૃત કર્યા કે પુષ્ટિભક્તિ કરનારમાં દાસ્યભાવની સતત જાગૃતિ રહેવી જોઈએ. પુષ્ટિમાર્ગીય સેવાપ્રણાલી જ એવી છે કે દાસ્યભાવ સ્વાભાવિક જ ઉત્પન્ન થાય. દા.ત. બુહારી કરવી, જલ ભરવું, પાત્રો માંઝવા, રસોઈ કરવી વગેરે કાર્યો એવા છે કે તે કરવાથી સ્વભાવિક દાસ્ય ઉત્પન્ન થાય.લોકમાં ધનાઢય માણસો આવા કાર્યો ચાકર પાસે જ કરાવે છે. દાસને લૌકિકમાં ચાકર કહે છે. - - અહીં કોઈ તર્ક કરે કે ભાઈ ? અત્યારે યુગ બદલાઈ ગયો છે. અત્યારે પ્રજા 'આઝાદ' થઈ ગઈ છે. અને તમે હજુ ગુલામીની પ્રથાની વાતો કરો છો. તે આ જમાનામાં ન ચાલે ? તો જવાબમાં કહેવાનું કે મનુષ્ય આજે ભૌતિક રીતે આઝાદ (સ્વતંત્ર) ભલે થયો હોય પણ જયાં સુધી માણસ આધ્યાત્મિક રીતે આઝાદ ન થાય ત્યાં સુધી અર્ધી આઝાદી જ પ્રાપ્ત કરી કહેવાય. આ આધ્યાત્મિકી આઝાદી પ્રાપ્ત કરવા જ્ઞાન, ભકિત વગેરે કરવા પડે છે. - - આધ્યાત્મિક આઝાદી એટલે જે કાળ-કર્મનું પણ બંધન ન સ્વીકારે તે આધ્યાત્મિક આઝાદી કહેવાય. દા. ત. ધ્રુવ એવો આઝાદ હતો. જેણે મૂત્યુનું બંધન સ્વીકાર્યું ન હતું. તે કાળના માથા ઉપર પગ મૂકીને આ દેહથી જ ધ્રુવલોકમાં ગયો હતો. પુષ્ટિમાર્ગમાં એક ડોકરીએ કાલને સાત વખત પાછો ફેર્યો હતો. અને કુંભનદાસજીએ અકબર જેવા સમ્રાટને પણ કહી દીધું હતું કે "ભકત કો સિકરીકો કહા કામ" તેમજ દેવાભાઈ સરાણીયાએ જહાંગિરિ હુકમનો અનાદાર કરી માળા ઉતારી ન હતી. આનું નામ આધ્યાત્મિક આઝાદી કહેવાય. આપણે એમ માનીએ છીએ કે આપણને રાજકીય સ્વતંત્રતા મળી ગઈ એટલે આપણે આઝાદ થઈ ગયા ? અને ગુલામીપ્રથાનો અંત આવી ગયો ? પણ આપણી આ માન્યતા ખોટી છે. અત્યારે લોકમાનસ નોકરીને શ્રેષ્ઠ માને છે. અને તે મેળવવા માટે જ લોકો પોતાના સંતાનોને ભણાવે છે. અને વિધાર્થી પોતે પણ નોકરી મેળવવા ખાતર જ ભણે છે. આ નોકરીને, ચાકરી નહીં તો બીજું શું કહેવાય ? અને ચાકરી એટલેજ 'ગુલામી' દશ હજારનો પાગારદાર હોય તો પણ તે નોકર જ છે. અને તેને પોતાના ઉપરી અધિકારીના હાથ નીચે રહેવું પડે છે. એમને સલામ પણ ભરવી પડે છે. તો વિચાર કરો કે તમો આઝાદ છો કે ગુલામ. - - આ રીતે ભૌતિક સુખ મેળવવા માટે માણસ સરકારની કે શેઠની ચાકરી (નોકરી) કરે છે. અને તેમાં હિણપ અનુભવતો નથી. તો કોટિ બ્રહ્માંડના નાથની ચાકરી (દાસ્યભાવથી સેવા) કરવામાં વૈષ્ણવોએ શા માટે હિણપ અનુભવવી જોઈએ ? - - શ્રીઠાકોરજીની સેવામાં અમુક સેવા હીન અમુક ઉતમ એવો ભેદ નથી. બુહારીથી લઈ શ્રીઠાકોરજીના સ્નાન-સિંગારાદિ કરવા સુધીની બધી સેવા સમાન છે. અને તેનું ફલ પણ સમાન છે. માટે વૈષ્ણવોએ ભૌતિકવાદમાં ન ધસડાતા દાસ્યભાવથી શ્રીઠાકોરજીની સેવા સ્નેહપૂર્વક કરવી. ધારા :-117
                               

      Comments
    » Not yet reviewed by any member. You can be the first one to write a review.
    
    » You must be logged in to post a comment