• Gallery
  • Browse by Category
  • Videos
  • Top Rated Articles
  • Public TimeLine
  • News RSS Feeds
  • Chief Editor : Manilal B. Par |  Executive Editor : Bipul A. Singh
  • ધારા 120 માળા પહેરામણી : Niru Ashra
    ધારા 120 માળા પહેરામણી : Niru Ashra editor editor on Tuesday, March 20, 2018 reviews [0]
    ધારા :-૧૨૦ 卐 "માળા પહેરામણી ક્યારે કરવી" 卐 Niru shra - Mumbai X એક વખત આપશ્રીએ આજ્ઞા કરી કે આજે વૈષ્ણવોમાં એક એવો ભ્રમ પ્રવર્તે છે. કે ધરમાં કોઈનું મૃત્યુ થયું હોય અને તેની માળા પહેરામણી ન થઈ હોય ત્યાં સુધી કોઈ શુભ કાર્ય ન થઈ શકે. (લગ્નાદિ પ્રસંગ) તેથી મરનારની પાછળ માળા પહેરામણી જેમ બને તેમ જલ્દી કરી લેવાનો આગ્રહ રાખે છે. અને તેમાં અમુક તો સૂતક ઉતર્યા પછી તુરત એટલે કે અઢારમે કે વીસમે દિવસે જ કરી લે છે. આ લોકો માળા પહેરામણી કરવી એટલે મૃતકને રજા આપી દેવી એમ માને છે. પણ આ માન્યતા ખોટી છે. - - આજે માણસને વૈદિક વિધિમાં શ્રદ્ધા રહી નથી. ફક્ત ચીલાચાલુ રીત પ્રમાણે કરવું જોઈએ તેથી મન મનાવવા પુરતી શ્રાદ્ધાદિક ક્રિયા કરે છે. મુત્યુ ના બારમે કે તેરમે દિવસે જ બારે મહિનાના બાર ધડા તથા પીંડદાન, બ્રહ્મભોજન વગેરે એકી સાથે કરી નાખે છે. અને સોળ દિવસે સુતક ઉતર્યા પછી દાડાના રૂપમાં માળા પહેરામણીનો મનોરથ કરે છે. માળા પહેરામણી અને વરસી બંનેને એક જ રૂપમાં સમજે છે. માળા પહેરામણી કરવી એટલે જીવને રજા આપવી એવું માનતા હોવાથી માળા પહેરામણી કરી દીધા પછી શુભકાર્ય કરવામાં હરકત નહીં, એવી એમની માન્યતા હોય છે. જે સર્વથા ગલત છે. - - માળા પહેરામણી ખરેખર તો એક વર્ષ પછી જ થવી જોઈએ. કારણકે મરનારની વૈદિક શ્રાદ્ધદિક ક્રિયા એક વર્ષે પૂરી થાય છે. મરનારની પાછળ દર માસે શ્રાદ્ધ કરવામાં આવે છે. તેમાં પીંડદાન વાયસબલી ( કાગડાને વાસ નાખવી ) અને બ્રહ્મભોજન કરાવવામાં આવે છે. અને છેલ્લે જે શ્રાદ્ધ થાય તે વરસી શ્રાદ્ધ કહેવાય છે. તેમાં પીંડ વહેરવાની ક્રિયા તથા બ્રહ્મભોજન વગેરે કરવામાં આવે છે. જયાં સુધી પીંડ વહેરવાની ક્રિયા ન થાય, ત્યાં સુધી મૃતક પ્રેતયોનિમાં રહે છે. પીંડ વહેરવાની ક્રિયા (દાભડાની સળીથી પીંડના બે ભાગ કરવા) થઈ ગયા પછી મૃતકને રજા આપવામાં આવે છે. ત્યારે એક શ્ર્લોક બોલવામાં આવે છે. ---------------------------------- ગચ્છસ્વ પિતૃલોકે ત્વં પ્રેતત્વં ચ પરિત્યજ | સભાને પિતૃભિ: સાર્ધ વિહરસ્વ યથા સુખં || ---------------------------------- આ શ્ર્લોકમાં મરનારને ઉદ્દેશીને કહેવામાં આવે છે કે હવે તમે પ્રેતયોનિનો ત્યાગ કરી પિતૃલોકમાં સિધાવો. અને પિતૃઓની સાથે રહી પિતૃલોકના બધા સુખો, પિતૃત્વ પ્રાપ્ત કરીને ભોગવો. આ રીતે જીવને રજા આપી દીધા પછી હર કોઈ શુભકાર્ય થઈ શકે છે. - - મૃતકની વાસના તેનાં સંબંધીઓમાં એક વર્ષ સુધી રહે છે. તેથી દર માસે માસિક શ્રાદ્ધ કરવામાં આવે છે. શ્રાદ્ધમાં પીંડદાન અને બ્રહ્મભોજન કરાવવાથી મૃતકની વાસના સંતોષાતી જાય છે. અને ક્રમે ક્રમે દૂર થતા એક વર્ષે સંપૂર્ણ દૂર થાય છે. - - દા. ત. કોઈ માણસ વર્ષોથી ભાડે રહેલ મકાનમાં રહેતો હોય, તે મકાન તેનો માલિક ખાલી કરાવે તો કાયદાની દ્રષ્ટિએ ખાલી તો કરવું પડે. પણ તે મકાન ખાલી પૂર્ણ સગવડતાવાળું હોવાથી તેમાં તેને રહેવું ફાવી ગયું હોય છે. તેથી મકાન ખાલી કરીને બીજા મકાનમાં રહેવા જાય તો પણ તેને પેલું મકાન યાદ આવ્યા કરે છે. આ યાદ આવવું તેનું નામ જ વાસના. એવી જ રીતે મૃતક જીંદગી આખી જે દેહમાં રહ્યો હોય, તથા જે સંબંધીઓ સાથે રહ્યો હોય, તેને મૃત્યુ થયા પછી પણ ભૂલી શકતો નથી. તેની વાસના સ્થૂલદેહ તથા સંબંધીઓમાં રહે છે. - - પંચમહાભૂતનો દેહ પડયા પછી જીવને વાયવ્ય દેહ (પ્રેતયોનિ) મળે છે. તેમાં જીવ સૂક્ષ્મ અને લીંગદેહ (કારણ દેહ) સાથે પ્રવેશ કરે છે અને મૃત્યુસ્થાન અને અગ્નિસ્નાન (સ્મશાન) વચ્ચે પરિભ્રમણ કરે છે. આ વાયવ્યદેહની મુક્તિ શ્રાદ્ધદિકથી થાય છે. - - માળા પહેરામણી એ એક સાંપ્રદાયિક સંસ્કાર છે. બ્રહ્મસંબંધ દિક્ષા લીધા પછી શ્રીઠાકોરજી પધરાવીને જેણે જીંદગી આખી સેવા કરી હોય, તેની પાછળ જ માળા પહેરામણી કરવી જરૂરી છે. માળા પહેરામણીથી તે જીવને નિત્યલીલામાં સેવા કરવાનો અધિકાર પ્રાપ્ત થાય છે. એટલે માળા પહેરામણીની વાસ્તવિકતા તો સેવા કરનારની પાછળ કરવાથી જ જળવાય છે. છતાં બ્રહ્મસંબંધી વૈષ્ણવોની પાછળ માળા પહેરામણી કરવામાં આવે છે તે એક સત્કાર્યના રૂપમાં ગણાય. તે જીવની પાછળ ભગવદ્ કીર્તન યથાશક્તિ વૈષ્ણવોનું સમાધાન વગેરે જે મનોરથ થાય તેનું ફળ તો અવશ્ય મળે જ. - - જે લોકો વૈષ્ણવ નથી તે માળા પહેરામણી કરતા નથી, પણ વરસી વગેરે વૈદિક વિધિ તો બધા જ કરે છે. ત્રણ માસ, છ માસ કે બાર માસે ગમે ત્યારે વરસી થઈ ગયા પછી લગ્નાદિ શુભકાર્યો થઈ શકે. અહીં કહેવાનું તાત્પર્ય એ છે કે માળા પહેરામણી અને વરસી એક નથી. માળા પહેરામણી સાંપ્રદાયિક સંસ્કાર છે અને વરસી વૈદિક સંસ્કાર છે. માળા પહેરામણી સંપ્રદાય પૂરતી મર્યાદિત છે અને વરસી કરી લીધા પછી ગમે ત્યારે કરી શકાય છે. ધારા :-120
                               

      Comments
    » Not yet reviewed by any member. You can be the first one to write a review.
    
    » You must be logged in to post a comment