• Gallery
  • Browse by Category
  • Videos
  • Top Rated Articles
  • Public TimeLine
  • News RSS Feeds
  • Chief Editor : Manilal B. Par |  Managing Editor : Ranveer Singh
  • મોબાઇલ બિલ 25-30% સસ્તું થશે
    મોબાઇલ બિલ 25-30% સસ્તું થશે editor editor on Wednesday, August 23, 2017 reviews [0]
    હવે મોબાઇલ બિલ 25-30% સસ્તું થશે
    દિલ્હી:રિલાયન્સ જીઓની એન્ટ્રી સાથે મોબાઇલ ફોન યુઝર્સ માટે 'અચ્છે દિન' શરૂ થયા છે અને આગામી સમયમાં ફોન બિલમાં વધુ ઘટાડો થવાની શક્યતા છે. વિશ્લેષકો અને ઉદ્યોગવર્તુળોના જણાવ્યા અનુસાર આગામી સમયમાં મોબાઇલ ખર્ચ 25-30 ટકા સસ્તો થવાની શક્યતા છે. ડેટા યુઝર્સનું બિલ તો વધારે ઘટવાનો અંદાજ છે.

    એરટેલ, વોડાફોન અને આઇડિયાએ રિલાયન્સ જીઓની સ્પર્ધાને પગલે એક વર્ષમાં વોઇસ અને ડેટાના ભાવમાં મોટો ઘટાડો કર્યો છે. તેને લીધે મોબાઇલ બિલ સરેરાશ 25-32 ટકા ઘટ્યું છે, પણ ડેટાનો મોટા પાયે ઉપયોગ કરતા ગ્રાહકોના બિલમાં તો 60-70 ટકા ઘટાડો નોંધાયો છે.

    અત્યારે પણ જીઓના ડેટા ટેરિફ બજાર કરતાં નીચા છે અને કંપની વોઇસ કોલ તો પહેલેથી જ ફ્રી ઓફર કરે છે. ડેલોઇટ હેસ્કિન્સ એન્ડ સેલ્સના પાર્ટનર હેમંત જોશીના જણાવ્યા અનુસાર મોબાઇલ બિલનો સરેરાશ માસિક ખર્ચ 2017માં 25-28 ટકા ઘટીને રૂ.240-280 થયો છે, જે 2016માં રૂ.349 હતો.

    ઓપરેટર્સ ગ્રાહકોને જાળવવા ડેટા અને વોઇસના બંડલ્ડ પેકેજિસ પર મોટા પાયે નિર્ભરતા ધરાવે છે. જોશીના જણાવ્યા અનુસાર નવા બિઝનેસ મોડલ અને આક્રમક ટેરિફ વોરના કારણે મોબાઇલ બિલમાં સરેરાશ માસિક વધુ 30 ટકા ઘટાડાની શક્યતા છે.

    ટોચની કન્સલ્ટિંગ કંપની KPMGના જણાવ્યા અનુસાર મોબાઇલ બિલમાં 10 ટકા કે વધુ ઘટાડાની શક્યતા છે. મોબાઇલ ઓપરેટર્સ 28, 56 અને 84 દિવસ માટે રૂ.250થી રૂ.500ની રેન્જમાં બંડલ્ડ પેકેજિસ પૂરા પાડે છે. જેમાં 1GB/2GBની ફેર યુસેજ પોલિસી સાથે અનલિમિટેડ ડેટા અને વોઇસનો સમાવેશ થાય છે.
    EYના ગ્લોબલ ટેલિકમ્યુનિકેશન્સ લીડર પ્રશાંત સેહગલે જણાવ્યું હતું કે, ડેટાનો મોટા પાયે ઉપયોગ કરતી વ્યક્તિ માટે મોબાઇલ બિલ મહિને 60-70 ટકા ઘટ્યું છે, પણ માત્ર વોઇસ સબસ્ક્રાઇબર્સનું બિલ મહિને 10-15 ટકા ઘટ્યું છે.નોંધપાત્ર ડેટા યુઝર્સની GB દીઠ સરેરાશ ડેટા પ્રાઇસ 2016માં મહિને રૂ.250 હતી, જે ઘટીને 2017માં રૂ.50 થઈ છે. તેને લીધે ડેટાનો વપરાશ જૂન 2016માં મહિનાના 20 કરોડ GBથી વધીને માર્ચ 2017માં મહિને 1.3 અબજ GB થયો છે.

    રિસર્ચ ફર્મ કાઉન્ટરપોઇન્ટ રિસર્ચના જણાવ્યા અનુસાર પ્રિ-પેઇડ ગ્રાહકોના માસિક બિલમાં 22 ટકા અને પોસ-પેઇડ સબસ્ક્રાઇબર્સમાં 10-15 ટકા ઘટાડો નોંધાયો છે. એક સિનિયર એક્ઝિક્યુટિવે જણાવ્યું હતું કે, અમને આશા છે કે, સેક્ટરમાં સ્થિરતા આવશે. એવું નહીં થાય તો નુકસાન વધશે.

    ઉલ્લેખનીય છે કે, એપ્રિલ-જૂન ક્વાર્ટરમાં એરટેલનો ચોખ્ખો નફો 75 ટકા ગબડી સાડા ચાર વર્ષના તળિયે પહોંચ્યો છે. એવી રીતે આઇડિયાએ સતત ત્રીજા ત્રિમાસિક ગાળામાં ખોટ દર્શાવી છે. તાજેતરના ક્વાર્ટરમાં વોડાફોનની સર્વિસ રેવન્યુમાં 8.3 ટકા ઘટાડો નોંધાયો છે.
                               

      Comments
    » Not yet reviewed by any member. You can be the first one to write a review.
    
    » You must be logged in to post a comment