• Gallery
  • Browse by Category
  • Videos
  • Top Rated Articles
  • Public TimeLine
  • News RSS Feeds
  • Chief Editor : Manilal B. Par |  Managing Editor : Ranveer Singh
  • આંખોમાં કાજળ થઈ લહેરાઈ જવામાં લિજ્જત
    krishnadadawala krishnad.... on Thursday, August 7, 2014 reviews [0]
    દ્વારા Zankhana Jani

    ગભરૂ આંખોમાં કાજળ થઈ લહેરાઈ જવામાં લિજ્જત છે;
    ચર્ચાનો વિષય એ હોય ભલે ચર્ચાઈ જવામાં લિજ્જત છે.

    વેચાઈ જવા કરતાંય વધુ વહેંચાઇ જવામાં લિજ્જત છે;
    હર ફૂલ મહીં ખુશબો પેઠે ખોવાઈ જવામાં લિજ્જત છે.

    પરવાના પોઢી જાયે છે ચિર મૌનની ચાદર ઓઢીને,
    હે દોસ્ત, શમાની ચોખટ પર ઓલાઈ જવામાં લિજ્જત છે.

    દુ:ખ પ્રીતનું જ્યાંત્યાં ગાવું શું? ડગલે પગલે પસ્તાવું શું?
    એ જોકે વસમી ઠોકર છે પણ ખાઈ જવામાં લિજ્જત છે.

    જે અંધ ગણે છે પ્રેમને તે આ વાત નહીં સમજી જ શકે,
    એક સાવ અજાણી આંખથી પણ અથડાઈ જવામાં લિજ્જત છે.

    બે વાત કરીને પારેવાં થઈ જાયે છે આડાંઅવળાં,
    કૈં આમ પરસ્પર ગૂંથાઈ, વીખરાઈ જવામાં લિજ્જત છે.

    સારાનરસાનું ભાન નથી પણ એટલું જાણું છું ‘ઘાયલ’,
    જે આવે ગળામાં ઊલટથી એ ગાઈ જવામાં લિજ્જત છે.

    - અમૃત ‘ઘાયલ’
                               

      Comments
    » Not yet reviewed by any member. You can be the first one to write a review.
    
    » You must be logged in to post a comment